Aulet Baste

Daut nieje Joa haft aunjefonge, Corona hellt ons emma noch een bet ennjespoat - waut doone? Bestemmt hast du mank vele Ideeje uck dise: Eenfach mol wada oppe Homepage vonne Plautdietsch-Frind gone! En wan du noch nich dee nieje Utgow vonne Tietschreft "Plautdietsch FRIND" hast, mald die - etj schetj die jern een Exemploa! Soo ooda soo: Aulet Baste fe 2021!

 

Dit Bilt hia hab etj afens vonne Frind-Homepage via Sreenshot jefippst.

Een Wiehnachtsgruss von mienem Brooda Rudi

Arnold Dyck, Reuben Epp, 2020

Plautdietsche Literatua - eena (Arnolt Ditj) haft ver vele Joare em grooten Stil doamett aunjefonge, een aundra (Ruben Ap) haft daut Vetale en Schriewe von plautdietsche Jeschichte en Jedichta opp siene besondere Oat oppe gaunze Welt bekaunt jemoakt. Ditjoa es dobbeldet Jubileum: Ap word ver 100 Joa jebore, Ditj we ver 50 Joa jestorwe. Dee Plautdietsch-Frind welle ditjoa doaraun erinnre en freie sich, daut eena von onse dree "Plautdietsche Klassiker" noch left: Jack Thiessen. Hee woat neachstet Joa 90!

Dit schmocke Dyck-Epp-2020-Logo haft Peeta Pana jezaubat, dee Mettbejrinda en Designer vonne Tietschreft Plautdietsch FRIND.