Horst Martens - Ons Moates

Linjsch oppem Bilt es daut Cover vonne Utgow Numma 27 vonne Tietschreft Plautdietsch FRIND, hia es een Link no dee aktuelle Numma 30.

Nu deit'a daut aul een poa Joa: Horst Moates ut Paraguay, woona aul lang en Dietschlaunt enne Staut Herne lewt en doa aus Journalist schauft, tjemmat sich mett Hoat en Vestaunt aus Chefredakteur om dee Tietschreft Plautdietsch FRIND. Tweemol em Joa tjemmt emma wada eene schmocke, fresche en entressaunte Utgow von disem Journal rut - en von veare bett hinje gaunz opp Plautdietsch. Soo een Magazin es emma noch eenzichoatich oppe gaunze Welt!

Ditjoa wiest sich Horst Moates nu uck mol von eene aundre Sied: Hee haft een Bok jeschrewe! "Ruben - die Schlange im Hirsefeld" (Tweeback-Verlag) tjemmt em Feebua 2015 rut en wea sich daut besorcht en derchlast, deit bestemmt waut Goodet! Wiels daut von "onsem Moates" es. En wiels daut ewa eene Welt es, dee hee en wie dochwoll zimlich goot tjane, dee wie leewe, en ver dee wie ons grule...

David Toews - Truhoatich

Teewse Doft haft nich bloos Musitj em Blood - uck siene Femilje es ahm schienboa seea dicht aum Hoat! Hab mie afens daut Leet/Video "Pape, Wua Wiescht Du" aunjeseene: een bet Country, een bet Heimatklänge, een bet David ohne Goliath... Hee sinjt soo, dochwoll wiels hee weet, woo et es, wan eena sich bangt... Wudd mie seea jern mol dee gaunze CD von disem Doft aunhorche! Dee CD "Truhoatich" es noch frescha aus fresche Tweebak en woat aum 8. Juli enne King Road MB Tjoatj (Abbotsford, Kanada) veajestalt. Schod, daut Kanada soo wie auf von Dietschlaunt es ;)

Daut Foto hab etj von Doft Teews siene Facebook-Sied... Sien Tjint?

Plautdietsch FRIND 2011

Daut FRIND-Heft Numma 24 fe 2011 es foadich en unjaweajes no dee Mensche, woone daut bestalt habe ooda Mettjlieda em Vereen Plautdietsch-Freunde e.V. send! Horst Moates, dee nia Chefredakteur, haft eene wundaboare Oabeit jemoakt en butajeweenlich goode Sache tom Lese en Seene toopjestalt...