Montag, 21. Februar 2022

Plautdietsche Mejales em ZDF - tom Weltmuttasproakedach


Emma wada brinje uck dee groote Medien waut ewa dee Menniste ooda eare Sproak. Enne latste Joahre we daut foaken t.B. een Bilda-Berecht ewa dee Ooltkolonia en Letiensch-Amerika ooda soowauterhea. Nu haud daut "Tweede" (ZDF) hia en Dietschlaunt opp eare Internetsied mol ne tjliene oba goode Idee - mett twee schmocke plautdietsche Mejales, dee Tjleppensteensche en dee Panasche, tjitj hia:

https://zdfheute-stories-tap.zdf.de/russlanddeutsche_plautdietsch

Sonntag, 8. August 2021

Boolt oolt?



Uck wan see boolt 70 woat: Hia litjent noch nuscht no oolt - nich Tatjana Klassner en uck nich eare Sproak! Aul wada haud se toopjekroagt tom... jo vleicht uck een bet tom Jeburtsdach feire, oba noch vel meea, tom Lost en Moot moake, mette plautdietsche Sproak to experimentiere. En daut wie daut, waut wie ons soo utdentje, nich vestoppe! Etj frejd mie, daut etj bie dise Rund doabie senne durw en staund en horchd, waut wie aula soo to saje en to sinje haude.

Daut we jistre (aum 7.8.) een butajeweenlija Nomeddach! Bestemmt woare Tatjana en ea Maun Josef boolt een Video von disem Dach habe.

Een Dach verhea haud etj von mienem Brooda Jascha em Femilje-Chat een kortet Selfie-Video jetjreaje mett eenem Leet, daut aus eene Auntwot opp mien Jedicht ("Waut wie brucke") we, daut etj noch een Dach eea (aum 6.8.) fe Tatjana earen Nomeddach jeschrewe haud (see Blog-Post "Weiter"). Soo es daut: Wan wie mett eenaunda em Kontakt send en eenaunda mettdeele, waut wie dentje, dan bliew wie jung em Kopp - en vleicht soogoa uck em Hoat.




Samstag, 6. März 2021

Mett Wed Spele

Een bet Tiet en Lost mett Wed to spele? Bittscheen, hia send dree Challenges fe die - toopjestalt met Wordwall:

Onkel Obraum sien Dach (Missing Word)

Onse Welt (Match up)

Ons Tjarpa (Crossword)

Vel Spos!